හිතුවක්කාර හීන.

නුඹෙ අතක එල්ලිලා යන්න සැනකෙලි
පොසොන් මහේ එක රැයක්
නුඹත් එක්ක හීනයක්
පාට නොවෙන හීනයක්

දෑත් පටලන් සෙනඟ පීරන් බලන්න යන්න කූඩු
හඳ අඳුර කපන රැයක හීනයක්
හිත කිතිකැවෙන හීනයක්

රළුද සියුමැලිද කියාවත් නොදන්න
නුබේ දෑත පටලන් හිම කිරන කන්න
පොසොන් සුළඟැති රැයක හීනයක්
අසම්මුතිත හීනයක්

නුඹෙ දෑසට එබී ආදරේ හැඟුම් හොයන්න
හුස්ම හිරවෙන තරම් හිනාවෙන්න
සිතුවිලි පියබන රැයක හීනයක්
හිතුවක්කාර හීනයක්

නුඹටත් ඇති හීනයක්
නුඹෙ හීන මැණිකෙ එක්ක හීනයක්
ආදරණීයම හීනයක්
මතු දිනක මම දකින සැබෑවක්